Valentines ang birthday ko at ngayong 2020, 22 years old na ko.
Lagi kong inaabangan tuwing Feb 14 kung mag ccelebrate ba ko ng Valentines Day o Birthday ko.
Sa totoo lang nagsasawa na kong mag celebrate ng birthday ko tuwing araw ng mga puso. Di naman ako bitter pero nakakaingit lang kasi yung mga tao na nakikipag date sa valentines. Yung mga babaeng binibigyan ng flowers, chocolate at teddy bear. Nakakatangap din naman ako ng mga ganyan , eh kasi birthday ko. Masaya naman ako sa tuwing nareregaluhan ng family at friends ko kaya lang kailan kaya ako kikiligin? Yung may isang guy na mageeffort bilhan ka ng rose kahit mahal tuwing valentines? o yung yayain ka ng taong gusto mo sa isang restaurant ng kayong dalawa lang tapos manunuod ng movie after? imagine... hanggang imagine na naman ako.
Nakakalungkot kasi mission failed na naman ako ngayong valentines. Bakit ba hindi ako naging ligawin tulad ng mga kaibigan ko. Ang hirap ko daw ligawan kasi ang tangkad ko, may itsura naman daw ako sabi nila, medyo mataray pero mabait naman ako kahit papano, marami naman akong kaibigan kaya sa tingin magaling naman akong makisama, masipag din akong magaral dati, at ngayon , may maayos akong trabaho. Bakit ba ang ilap sakin ng love life?
May nagkakagusto naman sakin, kaya lang di ko naman sila type. At yung mga nagugustuhan ko, ako naman ang di nila gusto. Di naman mataas ang standards ko. Basta masayang kasama, responsable , at least kaheight ko , gentleman , madiskarte sa buhay at romantic. Saan na ba sya?
Sinubukan ko naman , kaya langing may issue. Ilang beses na na may nanligaw sakin tapos nalaman ko may girlfriend pala, yung isa may asawa pa. Tapos nag try na rin ako ng dating app, at ayun kamalas malasan nakatagpo ako ng manyak. Biro mo yun, niyaya ba naman ako sa hotel, indoor activities daw kami? duh
Tapos yung etong bago lang , na meet ko rin sa dating app. Jusme, manliligaw daw eh lagi namang di nagpaparamdam. Halos twice a month ko lang syang nakakausap. Naisip ko tuloy, baka di pa sya ready, wale eh, di ko maramdaman yung panliligaw nya. Di ko na sya kinausap at di nya na rin ako tinagka pang kausapin pa. I guess tama ako, wala talaga syang interest sa kin. Di ba nga sabi nila, pag mahalaga sayo yung tao, maglalaan at maglalaan ka ng oras para sa kanya.
Mission Failed na naman ako. Dating gawi, Celebration ng Birthday sa Araw ng Valentines.
Comments
Post a Comment